مقلوبة الباذنجان باللحمة

المكوّنات

1 بصلة كبيرة متقطعة انصاص حلقات

1 فلفل اخضر متقطع شرايح طويل

1 فلفل اصفر متقطع شرايح طويل رفيعة

3 طماطم متقطعة شرايح

0.5 كيلو لحم مسلوقة 3/4 استوا

3 باذنجان رومى متقطع شرايح طويلة متوسطة السمك

معلقتين زيت

قطعة زبدة صغيرة

3 كوب ارز مغسول و منقوع في مياه دافية لمدة نصف ساعة

طريقة التحضير    

هنشوح شرايح الباذنجان في جريل على البوتجاز هنرص الشرايح و ندهنها بالفرشة على ناحتين زيت خفيف و نقلبها لحد ما نحسه استوى

في طاية ايفال هنشوح شرايح البصل بحتة زبدة صغيرة او زيت بس الزبدة افضل مع اللحمة و نضيف ملح و فلفل اسود

هنجيب الحلة و نرص حلقات البصل في القعر بعدين الفلفل و فوقيهم اللحمة و فويقها الطماطم و بعدين الباذنجان في القعر و الجوانب بحيث يبقا نص الباذنجانة في القعر و النص التانى على جوانب

بعدين نحط الرز و نسقيه شوربة و ناخد بالنا الشوربة ازيد شوية من مقدار الرز شوية صغيرة مش كتير عشان الرز ميعجنش

و نسوى الحلة على النار تسويه الرز الاول عالى و بعدين على نار هادية بعد مايشرب

لو عاوزة الاكلة دية دايت استغنى عن معلقتين الزيت اللى دهنتى بيها الباذنجان و اللى شوحتى بيها البصل

بس لما الرز يستوى نقلب الحلة في طبق كبير و ممكن تقدمى معاها صلصة عليها ملعقة خل

وبالهنا و الشفا