شن الإعلامي أحمد شوبير حارس مرمى النادي الأهلي ومنتخب مصر الأسبق، هجومًا على لجنة الحكام برئاسة البرتغالي فيتور بيريرا بسبب مباراة إنبي والمقاولون العرب، والتي انتهت بالتعادل الإيجابي بهدفين لمثلهما، في افتتاح منافسات الجولة 29 من دوري nile.

وقال شوبير في برنامجه «مع شوبير»، المُذاع عبر «أون سبورت إف أم»: «المقاولون تقدموا بشكوى لاتحاد الكرة ورابطة الأندية اعتراضا على طاقم تحكيم مباراة الفريق أمام إنبي، بسبب احتساب ضربة جزاء لإنبي في الوقت بدلا من الضائع عليها كلام كتير وفضلنا نلعب لحوالي الدقيقة 115 والحكم كان حاسب 7 دقايق وحاجات غريبة بتحصل».

وأضاف: «يعني فرقة زي المقاولين مهددة بالهبوط وفي عرض نقطة تعينلها حكم زي عاطف حسين (غير دولي)، مع احترامي لعاطف حسين حكم كويس لكن بصراحة قمة العبث اللي بيحصل ده».

وتابع: «قاعد تقولي لوائح ومعرفش إيه.. إنت متعرفش حاجة عن اللوائح، وبالمناسبة إحنا ربنا نجدنا إن ماتش بيراميدز وسموحة عدى على خير بعد استكمال المباراة لإننا كنا رايحين لسكة مش حلوة».

واختتم: «بأكدلكم تاني إن ماتش المقاولون وبيراميدز مش هيتعاد وقرار تعيين محمد الحنفي للمباراة بالحب قرار سليم عادي مفيش أي مشكلة».