هل تعلم

1- ان كلمة "كيلو باميه" اصلها Qui est Le premier ؟ يعني مين الاول؟ .بس احنا عشان شعب عبقري ترجمناها كدا ..

2- هل تعلم ان كلمة "طز" تركية و معناها الملح .. و لأن الملح كان ارخص سلعه فالمصريين بقوا بيقولوا على اى حاجه تافهه " طز " ؟؟ .. والملح لم يكن عليه جمارك وكان التاجر يقول لموظف الجمارك طز اي ملح ليس عيه جمرك

3- هل تعلم ان كلمه "معلش" كانت اختصار ل "ما عليه شىء" .. كان يقولها القاضى لمن اخذ البراءه ..

4- هل تعلم ان كلمة " يا خراشى " تعود لعهد الدوله الفاطميه .. يعنى من الف سنه .. و ده كان نداء لأول شيخ للازهر "محمد الخراشى" و كانوا ينادوه اذا وقع ظلم او مصيبه لحلها ..

5- هل تعلم ان كلمه "سيس" معناها البلح الفاسد او اللى بيقع من النخل و لا يأكله احد .. يعنى الانسان اللى مالوش لزمه ...

6- هل تعلم ان كلمة "جدع" هي كلمة جاءت من الاجدع و هي أسماء الشيطان. وهو تعبير عن المكر و النباهة التي يعتقدون تميز الشيطان بها. فصارت كلمة جدع او كدع بالكاف المشدده .. وهي ايضا من اسامي الجمل كنايه عن قوته وصبره

7- هل تعلم ان كلمة "عبيط" هى كلمه فرعونيه .. مكونه من كلمتين .. عا + بيت .. عا معناها حمار .. بيت معناها شخصيه .. الكلمتين يعنى حمار الشخصيه ..

8- هل تعلم ان كلمه " ساده" زى قهوه ساده مثلا .. هى كلمه فارسيه .. معناها بسيط او طبيعى .. يعنى شاى بيسط بدون اضافات ..

9- هل تعلم ان كلمه " هسكعك " زى هسكعك الم مثلا .. هى كلمه فرعونيه معناها "هلصقك" و الكلمه هى "سقاع" معناها التصاق ..

10- هل تعلم ان كلمه "شلق" زى الست دى وليه شلق .. معناها فى الفرعونيه القديمه "شلاك" يعنى يمتد او يمط ..

11- هل تعلم ان كلمه " تنح" مأخوذه من "تناهو" كلمه قبطيه معناها يستحى او يخجل ..

12- هل تعلم ان كلمة " اهبل " هى كلمه يونانيه .. اصلها "هابلوس" و معناها ساذج ..

13- هل تعلم ان كلمه "هلس" اصلها "هيلوس" كلمه يونانيه معناها تلف و فساد ..

14- هل تعلم ان كلمه "مرمطه" اصلها فرعونيه .. "مارماتا" و معناها الم و وجع ..

15- هل تعلم ان كلمه "مهيص" معناها فى الفرعونيه مملوء السرعه .. و اصلها "مهيوص" ..

16-اصل {تاته خطي العتبه}. اللي هي اغنيه الاطفال

كان زمان في شركه عربيات هنديه اسمها {تاتا}موجوده حتي الان

والشركه دي عملت اتوبيسات وكان اول خط مواصلات لها في مصر يربط بميدان العتبه ولما حد يسأل اورح العتبه ازاي كان يقولوا له اركب

{تاتا خط العتبه} و من هنا جت اغنيه {تاتا خطي العتبه} اضافه من Yosry Zakaria

17-اصل كلمه {بولاق}

الكلمه دي شقين

الاول {بو} ومعناها جميله بالفرنسية

الثاني {ليك}ومعناها بحيره بنفس اللغه

وهي تعني{ بوليك} اي البحيره الجميله

18-اصل كلمه كوسا ...من المعروف ان الكوسا من الثمار سريعه العطب لا تحتمل التخزين والنقل البعيد والانتظار فكان تاجر الكوسا يتجاوز طابور تجار الخضار والفاكه في سوق الجمله ويدخل قبلهم ويقول لهم كوسا اي ان معي الكوسا لا تحتمل الانتظار فا اصبحت تطلق علي الواسطه والمعرفه والفساد